Panawagan Para Sa Mga Aplikasyon Sa Pambansang Kampo Balagtas 2016

Ang Komisyon sa Wikang Filipino ( KWF ) ay may panawagan para sa mag kabataang manunulat sa Pambansang Balagtas 2016. Para sa buwan ng Panitikan sa Abril 1-3, 2016 sa lugar ng Orion Elementary School, Orion, Bataan.

Kilala ang Kampo Balagtas sa isang pambansang kumperensiya na naglalayong turuan at sanayin sa malikhaing pagsulat ang mapiling kabataang manunulat bilang panghihikayat sa kanila na makibahagi sa patuloy na pagpapaunlad at pagpapayaman ng panitikan ng bansa. Bahagi ito ng pagdiriwang ng Komisyon sa Wikang Filipino (KWF) ng Araw ni Balagtas na ginugunita tuwing 2 Abril taon-taon.

Bukas' ang kumperensiya sa lahat ng mag-aaral na nasa ikapito hanggang ikalabing-isang (7-11) baitang na kasapi at nakapaglathala na sa kanilang pahayagang pangkampus. Ang mga kalahok ay pipiliin ng KWF batay sa ipapasang kopya ng pahayagang pang-estudyante. Ang pamasahe, pagkain, at akomodasyon ng mga kalahok ay sasagutin ng KWF.

Para sa mag nais lumahok, kinakailangang magpadala ang paaralan ng kalahok ng tatlong (3) kopya ng itinuturing nilang pinakamahusay na isys ng kanilang pahayagang pangkampus. Pipili ng mga kalahok sa Gusaling Watson, Kalye J.P. Laurel, Malacanang Complex, San Miguel, Maynila. An g huling araw ng pagpasa ng aplikasyon ay 30 Enero 2016.